Студентскиот пленум на својата Фејсбук страница утрово сподели фотографии од кампусот на универзитетот „Св. Кирил и Методиј“, во Скопје.
„47 дрвја исечени во 2:30 часот по полноќ за изградба на барокни факултети. До кога бе без’рбетници, до кога?“, стои во објавата на Студентскиот пленум.
Дополнето:
Откако синоќа беа исечени дрвјата во кампусот на универзитетот „Св. Кирил и Методиј“, во Скопје, Студентскиот пленум на својата Фејсбук страница повикува на собир во 12 часот.
„Ни го напаѓаат академскиот дом, ни ја рушат автономијата. Ако ова барем малку ве засега, дојдете во 12 часот на Плато“, стои во повикот на Пленумот.
Од таму додаваат:
„Каква иронија, одработувањето на Денот на Дрвото, започна во 2:30 пополноќ, со сечење на 47 дрва“.