Според најновата анкета на агенцијата „Фактор плус Адриа“ од Белград, доколку утре се одржат избори, ВМРО-ДПМНЕ ќе освојат 28,9 отсто од гласовите, СДСМ 24,6 отсто, за ДУИ би гласале 10 отсто од граѓаните, за ДПА 4,4, а неопределени се 26,9 отсто.
Анкетата е правена телефонски, во периодот од 15 до 22 февруари, на репрезентативен примерок од 1.200 испитаници.
Според истражувањето, 56 отсто од испитаниците сметаат дека Договорот од Пржино е делумно спроведен, 27 отсто дека е целосно спроведен, а 17 отсто дека воопшто не е спроведен.
На прашањето „Дали мислите дека одложувањето на изборите може да придонесе за одржување на фер и демократски избори во Македонија или не?“, 30 отсто од анкетираните одговориле „да“, 23 отсто одговориле „не“, „немам мислење“ бил одговорот на 25 отсто од прашаните, а 22 отсто одбиле да го одговорат прашањето.
Ова е трета анкета на „Фактор плус Адриа“ за Македонија. Претходната, од 26 јануари, покажа дека ВМРО-ДПМНЕ ќе освои 29,9 отсто од гласовите, а за СДСМ ќе гласаат 23,5 отсто.
Првата, објавена на 24 декември, покажа дека рејтингот на ВМРО-ДПМНЕ е 29,5 отсто, додека на СДСМ е 21,4 отсто.
.gif)
.gif)
