Рускиот цртан филм за деца за немирното девојче Маша и симпатичното мече стана вистински хит и на ЈуТјуб, откако веќе се најде меѓу 20 видеа што собрале по милијарда прегледи.
Во „клубот на ЈуТјуб милијардери“ се најде 17-та епизода „Маша и мечето“ од вкупно 54 епизоди кои можат да се најдат на ЈуТјуб.
Цртаниот стекна следбеници ширум светот, од Германија и Австралија до САД.
Споменатата епизода од цртаниот стекна статус на 13. најпопуларно видео на ЈуТјуб на сите времиња.
Во клубот на ЈуТјуб милијардери неодамна беше ставено и видеото за песната „Хело“ од Адел, кое оваа титула ја достигна во рекордно кратко време и на тој начин од пиедесталот го симна „Гангам Стајл“ на корејскиот пејач Псај.