Богоев: Дали поради загадувањето Груевски си купи плацеви на чист воздух?

“Можеби во Мерцедесот од 600 илјади евра на Груевски, друг е воздухот, има некои посебни филтри! Или пак токму затоа Груевски си купи милионски плацеви на повисоки, на почист воздух, елитни плацеви на Водно.

Покрај дежурните и чесни вработени, кои работат трета смена во доцните часови, други кои работат во 2 и 3 часот после полноќ се криминалците и мафијата.
Груевски проблем со синусите имал, па вие од ВМРО-ДПМНЕ ни за вашиот премиер не се грижите. Човекот проблем со синусите има, вас ич не ве интересира да се намали загадувањето”, рече Стефан Богоев, пратеник и претседател на СДММ, од денешната седница во Собранието по повод информацијата за загадувањето на воздухот.