Тројца Македонци се појавуваат на датабазата на Меѓународниот конзорциум на новинари истражувачи, која беше пуштена вечерва, како дел од Панама документите.
Се работи за Роланд Златку, Слободан Спасовски и Александар Пановски.
Според датабазата, нивните адреси се во Скопје, но компаниите им се регистрирани во странски држави.
Златку ја има компанијата Енистон Девелопмент која е регистрирана на Девствените острови, Спасовски е сопственик на Фижн Девелопмент, регистирана на Сејшелите. Пановски, пак, ја поседува компанијата „Ориент Оил и Гас Лимитед“, регистрирана на Британските Девствени Острови.
НОВА, пак, веќе објави дека и бизнисменот Орце Камчев се поврзува со фирмата „Десимарг Лимитед“ основана на Бахамите.
Сепак, од Меѓународниот конзорциум на новинари истражувачи предупредуваат дека самото регистирање на офшор фирма е легално и дека не секоја регистирана офшор фирма се користи за нелегални активности.
.gif)
.gif)
