Чврга на Ј.П. Струмица – Гас за ВМРО-ДПМНЕ : Бараме извинување од Котевски и весникот Вечер за изнесените лаги

0
2799

Почитувани,

На денешната прес конференција на Дарко Костовски од ВМРО-ДПМНЕ, исто како и во весникот Вечер изнесени се лаги и измислици за работата на Ј.П Струмица – Гас поради што бараме извинување и од Костовоски и од весникот Вечер.

Информираме дека од 2012 година ,откако е склучен договорот со добавувачот на гас, по меѓународниот тендер, до денес Ј.П Струмица – Гас има купено гас во вредост од 708.000 евра.

Тоа значи дека е лага апсурдното тврдење дека добавувачот од договорот со Ј.П. Струмица – Гас заработил 2.5 милиони евра.

Исто така конструкција е споредбата дека Ј.П. Струмица – Гас набавува гас по 24 денари за метар кубен, за разлика од ЕЛЕМ којашто купувал гас по 13 денари за метар кубен. Повторуваме дека Ј.П. Струмица – Гас користи ЦНГ (компресиран природен гас), којшто за да се добие мора да се компресира,транспортира,декомпресира, што не е исто со набавка на гас од цевка.

Јавно повикуваме, доколку ЕЛЕМ може да ни продаде компресиран гас за 13 денари по кубен метар, да го сторат тоа.

Очигледно е дека сите досегашни измислени текстови во весникот Вечер се нарачка на ВМРО-ДПМНЕ, партијата којашто 10 години не успеја да им обезбеди гас на граѓаните на Република Македонија, додека Ј.П. Струмица – Гас тоа им го овозможи на граѓаните на Струмица.

Бараме извинување од Котевски и објавување на Демнатот од страна на весникот Вечер и медиумите што ќе ги пренесат нивните лаги.