МВР ПРИВЕДЕ ПОЛИЦАЕЦ ОД НЕГОТИНО ЗА УЧЕСТВО ВО ОРГАНИЗИРАН КРИМИНАЛ: СЕ СОМНИЧИ ДЕКА ИМ ПОМАГАЛ НА КРИУМЧАРИ НА МИГРАНТИ И ИМ ДАВАЛ ДОВЕРЛИВИ ИНФОРМАЦИИ ЗА ПОЛИЦИСКИ ПАТРОЛИ

0
731

Одделението за внатрешни работи – Неготино со Одделот за внатрешна контрола криминалистички истраги и професионални стандарди поднесе кривична пријава против С. К. (24) од Неготино поради основано сомнение за кривични дела оддавање на службена тајна и злоупотреба на службена положба и овластување.

“По преземени оперативни мерки и активности, било утврдено дека пријавениот-вработен како полициски службеник, им давал информации на криумчари на мигранти каде има полициски патроли или ако тој бил на задача, свесно ги пропуштал. Тој бил лишен од слобода и предаден во Основно јавно обвинителство за гонење на организиран криминал. На С.К. му е одредена мерка притвор” – информираше МВР.