На средбата со ракометарите на Вардар на заедничката фотографија веднаш до премиерот Зоран Заев застана претседателот на Ракометната федерација на Македонија, Живко Мукаетов кој е исто така и сопственик на Алкалоид. И едниот и другиот се хуманитарци, луѓе кои не штедат средства да помагаат на ранливи категории, семејства, болни лица, деца и слично.
„Секоја чест! Во име на граѓаните на Македонија ви благодарам за радоста што ни ја овозможивте на сите нас. Вашиот успех е амбасадорска промоција на Македонија, не само во Европа, туку и во светот. Исто така вашиот успех е мотив Владата силно да го поддржи спортот“, рече во обраќањето до ракометарите премиерот Заев.