Градоначалникот на Град Скопје Петре Шилегов во интервјуто за неделникот Фокус ги изнесе своите размислувања за повеќе актуелни теми во јавноста меѓу кои беа претераната урбанизација и проблемот со аерозагадувањето.
– Кога дојдов на градоначалничката позиција веќе беше донесен ГУП-от, беа активни неколку ДУП-ови, но многу од нив беа стопирани. Проблемите што се јавуваат со урбанизацијата или да речеме недобрата урбанизација се токму проблеми за кои сега зборувам. За да спречиме проблеми на микролокации во овој урбанизиран дел, како што беше зградата кај Мајчин дом, кај Треска, кај Холидеј Ин, потребно е да се направи токму тоа што сега го правиме. Загубени се 27 години за развој на Скопје. За 4 години почнавме решавање проблеми кои ќе останат решени за следните 50 години, изјави Шилегов запрашан за владеењето на урбаната мафија и големиот број нови згради во Центар, Карпош и Аеродром.
– Ќе создадеме нова инфраструктура во делови кои не се урбанизирани. Така ќе го заштитиме. Го пробиваме булеварот Словенија, од таму каде што завршува сега, некаде под Зајчев рид до Ново Село … Така притисокот што сега го имаме за градби во Карпош, Аеродром, Центар едноставно нема да го имаме, додаде Шилегов.
Во однос на прашањето на аерозагадувањето Шилегов потенцираше дека темата загаден воздух од главна тема во изборите во 2017 година сега веќе не е тема на разговор.
– Тоа е така затоа што во изминатите три години успеавме од година во година да го подобриме квалитетот на воздухот. Јас не тврдам дека таа битка е добиена. Тука има уште многу работа, меѓутоа велосипедските патеки, еколошките автобуси, преку 12.000 исчистени оџаци, организираните акции што Градот ги прави за палењето на стрништа, потоа организираните акции за згрижување на бездомниците кои зимно време палат огнови на отворено и сите тие 38 мерки овозможуваат да ја подобриме состојбата со воздухот во Скопје, нагласи Шилегов.
– Сите диви депонии ги претворивме во паркови. Сакате да отидеме во Мичурин, Кисела вода, Визбегово, која гореше секој ден како депонија. Сериозни канцерогени заболувања се јавуваа во Скопје, но статистиката покажува дека и тој тренд се намалува, додаде Шилегов одговарајќи на прашањата за аерозагадувањето во интервјуто за неделникот Фокус.
.gif)
.gif)
