начаен дел од моите програмски проекти се посветени на подобрување на квалитетот на амбиенталниот воздух во Битола, рече кандидатот на СДСМ и коалиционите партнери за градоначалник на Општина Битола, Христо Кондовски, вечерва во дебата на МТВ, додавајќи дека уште на првиот ден на изборната кампањата е промовиран проект кој ќе придонесе за решавање на проблемот со загадувањето на воздухот во општината.
„На тоа ќе се работи уште првиот ден од мандатот. Веќе го промовирав проектот за растеретување на централното битолско јадро со подземна сообраќајница и со дополнителни паркинг места. На горниот дел плоштадот Гоце Делчев ќе си го добие својот урбан лик, ќе има многу зеленило. Во Битола прашањето не е дали да се гради. Треба да се гради. Но, за секој изграден квадратен метар ќе добиваме квадратен метар зеленило. Тоа ќе биде услов и кон инвеститорите.“-рече Кондовски.
„Топлификацијата, гасификацијата и пречистителната станица одговорно тврдиме дека ќе се сработат до крајот на мојот мандат. Сето тоа заедно, електрични возила, електричен јавен превоз, реорганизација на централното градско јадро во делот на сообраќајот ќе допринесе уште одма да се почуствува подобрување на квалитетот на амбиенталниот воздух во Битола“-рече Кондовски.
Тој истакна дека сите проекти во програмата се детално претставени и содржат проектни активности, рокови за реализација и буџет. Се работи за 22 крупни проекти, од кои 10 капитални проекти.
Покрај нив голем број други проекти треба да донесат решенија за локални прашања. „Освен проектот кој ќе донесе реашавање на централното градско јадро во делот на сообраќајот, во програмата предвидуваме и мултифункционален спортски центар, Технолошки парк, осовременување на Золошката градина во Битола, формирање на Младински Центар. Сето тоа да ги задржиме младите.
Ќе го искористам целото мое знаење, ефикасност и вештини за успешно да управувам со Општината. Општината ќе биде ефикасна, транспарнтна и отворена за сите граѓани.“-рече Кондовски.
.gif)
.gif)
