ТРПЧЕСКА : ЗАРАДИ ТРЕНЧЕВСКА ОД СДС НЕМА СОФТВЕР ЗА ПОЛАГАЊЕ, НЕМА ЛИЦЕНЦИ ЗА РАБОТА ВО ГРАДИНКИТЕ

Почитувани,

Хаосот кој СДС и ДУИ го создадоа во изминатите години власт, се протега апсолутно во сите области без исклучок. Ваква нефункционалност на институциите под централна власт, не е запаметена.

Во 2018-2019 година се правеа измени на Законот за заштита на децата за да се задоволат лични интереси на активисти на СДС, за денес повторно да се соочиме со опструкција од страна на владеачкото мнозинство во Парламентот.

Имено, пратениците на ВМРО – ДПМНЕ на ден 08.02.2024 година, предложија измена на Законот за заштита на децата. Неправдата во однос на полагањето за лиценци за вработените во детските градинки, која се случува неколку години наназад, продолжува и сега.

Стотици луѓе, квалификувани да работат во детските градинки, кои живеат во општини предводени од ВМРО- ДПМНЕ, чекаат со години да бидат повикани да полагаат за лиценца. За разлика од нив, активисти на СДС, по брза постапка и за само неколку недели се стекнуваа со право за полагање за лиценца. За да биде неправдата поголема поранешната министерка за труд и социјална политика го остави министерството без софтвер за полагање за лиценци.

За потсетување, во периодот од 2018 до 2020 година, во детските градинки беа вработени околу 50 луѓе, а за време на ковид пандемијата кога детските градинки не работеа, aнгажирани беа четириесетина лица со договор на дело.

Селективниот пристап е очигледен кога во мали општини како што се Пробиштип и Берово, им беа давани согласности за вработувања и повеќе отколку што е потребно, што не е случај со општините предводни од ВМРО-ДПМНЕ.

Почитувани,

Факт е дека никогаш не било полошо, но уште еден факт е дека ваквите опструкции завршуваат за брзо. Народот бара промени.

Важно е да се промени власта и да си ја вратиме државата на вистинскиот пат. Новата Влада предводена од ВМРО- ДПМНЕ ќе се грижи за секој поединец вклучен во системот за предучилишно воспитание и образование, ќе се грижи за потребите на родителите на деца од предучилишна возраст и ќе се грижи за децата од предучилишна возраст, затоа што децата се нашата иднина.