Се гради локален пат на планината Плачковица за развој на планинскиот туризам

Почна изградбата на локалниот пат на планината Плачковица од хотелот „Бел камен“ до кампинг населбата „Добра“ во должина од 2,1 килиметри, со ширина на асфалтот од 5 метри, информира градоначалникот на Радовиш, Герасим Конзулов.

Според него со изградбата на овој патен правец ќе се овозможи пристап до викенд населбата во текот на целата година.

-И во најекстремни услови во зимата преку овој патен правец ќе може да се стигне до кампинг населбата „Добра“. Со тоа создаваме услови за натамошен развој на туризмот и на оваа кампинг населба, рече градоначалникот Конзулов.

Изградбата на овој патен правец чини 16,5 милиони денари, а инвестицијата е обезбедена преку Агенцијата за финансиска поддршка на земјоделството и руралниот развој