Изгорениците предизвикани од сончањето се чест проблем со кој сигурно некогаш сте се соочиле додека сте биле на одмор. Еве неколку совети за прва помош.
1. На стерилна газа, нанесете масло од лаванда и ставете ја на проблематичното место. Повторувајте ја постапката секој час. Маслото од лаванда е природен антисептик, кој брзо ќе ве ослободи од незгодните изгореници.
2. Три лажички суви цветови од кантарион, прелијте ги со 2 дл. маслиново масло. Ставете ги потоа во стаклен сад и оставете да отстои околу една седмица. После тоа нанесувајте го на газа и лекувајте ги изгорениците. Ова е многу ефикасно средство, но бара предвремена подготвка, па затоа доколку планирате идната недела да заминете на одмор, веднаш започнете со подготвувањето.
3. Од пченично брашно и вода направете тесто и нанесете го на местото што е изгорено од сонце. Но само кога станува збор за изгореници од помал степен.
4. Во еден сад помешајте една чашка обезмастено млеко и четири чашки вода. Во смесата додадете неколку коцки мраз. Измешајте, ставете го на газа и директно на местото. Облогата нека стои 15 минути, а потоа направете пауза од еден час и повторете ја постапката.
Корисни совети:
– Меурчињата кои настанале поради изгореници на кожата никако не ги оштетувајте
– Доколку забележите печење и црвенило на кожата тогаш станува збор за изгореница, не го изложувајте местото повторно на сонце
– Секогаш користете висок фактор на заштита за сонце
– Особено висок фактор на заштита треба да користат луѓето со светла боја на кожата бидејќи кај нив истата продуцира помалку меланин, а тоа значи и намалена заштита
– Внимавајте на изложување на бемките на директна сончева светлина
– Не излегувајте директно на топло од климатизиран автомобил
.gif)
.gif)
