ОСМАНИ : ИЗЈАВИТЕ НА ЏАМБАСКИ СЕ ПРОВОКАЦИЈА, ОСВЕН АКО НЕ МИСЛИ НА 3.000 БУГАРИ ВО СЕВЕРНА МАКЕДОНИЈА

Бугарскиот европратеник Ангел Џамбаски на неговиот профил на Фејсбук синоќа објави нова провокација.

Џамбаски го одбележа 126 години од раѓањето на Ванчо Михајлов и испрати провокативна порака.

„Со народот зад Деве Баир, ние (Бугарите) сме еден народ поделен со вештачка граница“, напиша Џамбаски.

Околу последната изјава на бугарскиот европратеник Ангел Џамбаски, познат по антимакедонските ставови и провокаторски и навредливи изјави, дека „зад Деве Баир живее ист народ поделен со вештачка граница, Османи му реплицираше дека тоа е вистина само ако мисли на трите илјади граѓани кои на последниот попис се изјаснија како Бугари.

Изјавата ја окарактеризираше како провокација но без прецизен одговор дали ќе се превземе нешто односно дали ќе биде испратена протестна нота.

„Можеби има право во делот на трите илјади Бугари кои живеат во Северна Македонија, тие се еден народ. Така да треба да објасни дали мисли на тоа. Инаку се друго е апсолутно провокација и невистина. Така да ако мисли на трите илјади бугарско малцинство да, и ќе се обидеме да ги имаат сите права и можности како сите други граѓани “, рече Османи.