Делегација на политичката партија Македонски Концепт, предводена од претседателот на партијата Петар Богојески и потпретседателот Самуел Наумовски Викиус, остварија средба со градоначалникот на Одеса, г-дин Генадиј Труханов и директорот на Одделот за култура, меѓународни односи и европска интеграција, г-дин Иван Липтуга, на македонска иницијатива, со цел да се дискутира за македонското културно-историско наследство во Украина и Одеса. Во фокус на разговорот беше спомен куќата во која живеел и творел македонскиот апостол и борец за македонската Кауза, Крсте Петков Мисирков.
Дискутиравме за достојно одбележување на неговото име и Дело со поставување на нова меморијална плоча на куќата каде што Мисирков живеел во периодот од 1909 до 1913 година, на улица Канатна, број 28. Македонски Концепт побара таа да биде задолжително и на македонски јазик и на истата да биде изгравирано македонското знаме. Од страна на општината Одеса беше поддржана таа идеја и дадено ветување дека постапката ќе започне за кратко време. Дополнително, побаравме отварање на Легат (спомен соба) на К.П. Мисирков, со помош на македонската Влада и документација која може да се најде во украинските архиви. Исто така, ја разгледавме можноста за отворање на Македонски Конзулат на ова свето место за нас Македонците и Македонската Кауза.
Украинската страна предложи и можност за промена на името на некоја од улиците во Одеса со несакано руско име, во иднина да го носи името Крсте Петков Мисирков или име Македонија.
Средбата заврши со полно разбирање и братска солидарност помеѓу Македонците и Украинците, заклучоците се во позитивна насока и од општината Одеса одлучија дека ќе започнат со истражување во нивните архиви со цел да најдат што е можно повеќе информации за делото и трагот на Крсте Петков Мисирков и моменталниот сопственички статус на Куќата музеј на архитектурата и историјата.Македонски Концепт ќе започне со барање и координација со новите министри за МНР и Култура.
.gif)
.gif)
