На новинарско прашање во врска со транспарентноста на двајцата директори на Фондот за здравствено осигурување, вицепремиерката рече дека ќе побара од директорката Магдалена Филиповска Грашкоска да излезе во јавноста и да одговори на прашањата во врска со хакерскиот напад на веб-страната на ФЗОМ.
– Ова што се случува е ново за сите нас, за најголемиот дел од нас и претпоставувам дека не сите подеднакво и успешно се снаоѓаат во ваква ситуација. Во секој случај, сметам дека секоја институција која што е под хибриден напад, која што е под сајбер закана, има обврска да излезе јавно да ги информира граѓаните за статусот, за тоа што се презема од страна на институцијата за заштита и враќање на податоците и информациите на што и да е под хибриден напад, рече таа.