„Буџетот ги исполнува целите за кои е направен, а тоа е обезбедување на економска, фискална и макроекономска и монетарна стабилност на државата. Потоа ја исполнува целта за зголемени плати за работниците во администрацијата, во образование, во здравството и во целиот јавен сектор“ рече премиерот Димитар Ковачевски во вестите на Канал 5.Тој додаде дека Буџетот предвидува поддршка и за компаниите во инвестиции, инвестиции во инфраструктурата, но и антикризни мерки.
„Во делот антикризните мерки ние како држава имаме најголем пари на антикризни мерки во времето на мандатот мојата влада 760 милиони евра за пакетот антикризни мерки 5% од бруто домашниот производ, и така ќе продолжиме и во иднина, меѓу тоа сега со потаргетиран пристап до крајот на ова година во буџетот се предвидени 75 милиони евра за антикризни мерки а за идната година се предвидени дополнително 55 милиони евра за антикризни мерки“ рече Ковачевски.
Премиерот додаде дека ќе продолжи субвенционирањето на цената на електричната енергија, а со антикризните мерки кои во моментов се подготвуваат ќе бидат опфатени најранливи категори на граѓани.
„Наредната година ќе имаме минимална плата која што ќе биде во висина од 22,500 денари, што историски е највисоко ниво, ќе имаме најниско ниво на неработност во државата, во моментот имаме 13,1 % на невработеност, последниот податок кој што беше пред почетокот на ова нова влада која беше 24%, што е огромно намалување на невработеност, имаме зголемување на вработеноста а наредната година се очекува 2% намалување на неработеноста“ рече Ковачевски.
.gif)
.gif)
