Оставката на Ципрас ја гледам како чин на преземена одговорност пред членството на СИРИЗА и пред грчкиот народ. Од врвни демократски политичари како него треба да се очекува токму тоа, искрена борба за цели и идеали, но и отчетност и одговорност, изјави поранешниот македонски премиер Зоран Заев во телефонски разговор за грчкиот медиум „Еф.Син“.
Според него, „Ципрас веќе е препознаен како историска личност на современата грчка и европска политика. Тој е демократски левичарски капацитет кој ги инспирираше левичарите, социјалистите и социјал-демократите во регионот и пошироко. Сигурен сум дека неговото визионерство, широкоградост и мудрост ќе продолжат да нѐ инспирираат без разлика на неговата оставка. И тука не треба да има простор за големи разорачувања. Алексис е тука, здрав, жив, витален и сигурен сум дека ќе изнајде безброј други начини да продолжи да придонесува кон приниципите на солидарноста и соработката и кон јакнење на грчкото и европското социјал-демократско семејство“.
Од денешна перспектива, сигурен сум дека Договорот од Преспа немаше да биде можно да се создаде со кој било друг грчки актуелен современ политичар. Оттука, големината на Ципрас не е исклучителна само поради креативноста и квалитетот на решенијата од договорот, туку и поради контекстот, историјатот и околностите на балканската и европската политичка мапа изминативе 30-ина години, нагласи поранешниот македонски премиер.
Тој додаде нема потреба особено да го охрабрува Алексис, „но еве и јавно ќе порачам дека после крајот на една ера секогаш доаѓа нова, а ние, современите социјалдемократи, секако ќе бидеме витален дел од одбраната на демократијата и во новата ера, каква и да е“.
.gif)
.gif)
