Претседателот на Република Српска, Милорад Додик изјави дека во следните 30 дена на Федерацијата на Босна и Херцеговина, како странски потписници на Дејтонскиот договор, ќе ѝ биде предложен договор за мирно раздружување, бидејќи српскиот народ повеќе не може да живее во БиХ.
„Денеска започнуваме со формална одлука да побараме мирно разграничување, ќе предложиме прво да се разјаснат политичките надлежности поврзани со субјектите и да се зачува и остави сегашниот модел на функционирање на економијата и во рок од неколку години да се адаптира тоа по моделот на мирно разграничување“, рече Додик во Братунац.
Тој рече дека српскиот народ едноставно не може повеќе да живее во оваа БиХ, дека тоа што го направија Бошњаците со резолуцијата за Сребреница е незаконско и дека не ги почитуваат Србите. Додик потсети дека Претседателството на БиХ не го разгледувало ова прашање и дека без одлука на ова тело не може да се покрене иницијатива во ОН. Не е ни чудо, вели Додик, што тоа го прават ОН, кои ги држат Американците, наведувајќи дека Србите биле двапати бомбардирани, а за ова немало одлука на СБ на ОН.
Додик рече дека денешната средба на Владата на Српска во Сребреница ќе иницира важни и големи работи и ќе ги посочи сите жртви, особено Србите, и дека српскиот народ нема да прифати лажна политичка конотација на страдање. Додик рече дека денеска на седницата, во соработка со локалните власти, ќе договорат ден кој секоја година ќе се одбележува како ден на жртвите на Сребреница, имајќи ги предвид и бошњачките и српските жртви во таа област, пренесе РТРС.
Од друга страна, додаде тој, на негов предлог, Владата ќе ја прифати иницијативата во следните 30 дена да подготви сеопфатен извештај за функционирањето во изминатите 30 години. Предлогот, вели тој, ќе биде се да се врати во јурисдикција на Република Српска и она што Српска го внесе во Босна и Херцеговина.
.gif)
.gif)
