Јасмина на 21 мај 2021 година украла околу 8,2 милиони евра од компанијата за транспорт на пари „Лумис“ во Бремен, каде што работела. По 1.033 дена во бегство, таа им се предаде на германските власти во вторникот вечерта на аеродромот во Бремен, откако слета со авион од Истанбул, објави Билд.
Како плавушата со потекло од Турција успеала да украде толку голема сума пари и кој ѝ помогнал? Сѐ повеќе детали излегуваат на површина, а сега се појавија и фотографии од кражбата на пленот.
Снимката од надзорната камера која кружи низ турските медиуми детално го прикажува процесот.
Јасмина на денот на злосторството работела на таканаречената „маса за пакување“. Нејзината задача била да ги пакува банкнотите во каси, кои потоа во безбедносен транспортер се транспортираат до банкоматите во филијалите на банките.
Додека ги става касетите, таа постојано ги става во безбедносни кеси, ги става во контејнер и ги покрива со ѓубре.
Јасмина намерно го избрала петокот пред викенд и празник Духовден, како ден на кражбата бидејќи многу нејзини колеги биле слободни. Тоа е јасно видливо на фотографиите.
Потоа лесно го турнала контејнерот со парите надвор и натоварила 8,2 милиони евра во црн Мерцедес вито.
Нејзината колешка претходно изнајмила комбе и со украдени таблички го однела кај неа.
Дури четири дена подоцна, кога поминале неработните денови, била откриена кражбата.
„Обвинетата моментално е во притвор. Таа рече дека ќе даде исказ следната недела во присуство на адвокат. Додека е во притвор, родителите можат да ја посетат.“
„Запознаен сум со фотографиите од камерата за надзор. Ако има соучесници, ќе им се суди во Бремен“, изјави Франк Пасад од обвинителството во Бремен.
.gif)
.gif)
