Предлог законските измени за ослободување од партиципација од медицински услуги и лекови за пациенти со цистична фиброза над 26 години денеска не помина на собраниска седница. Како што информираат од Асоцијацијата за цистична фиброза причината била дека тие биле ослободени од партиципација уште во 2019 година. Но, дел од пациентите, како што пренесува МИА, велат дека тие сѐ уште си ги плаќаат лекарствата од сопствениот џеб.
Претседателот на Асоцијацијата за цистична фиброза, Фики Гаспар вели дека моментално се разговара во членството на оваа тема и се очекува одлуката за ослободување од плаќање на патарини и патни такси, предлог што допрва треба да го гласаат пратениците во Собранието.
Во меѓувреме, бил презентиран документ, со што пациентите со цистична фиброза влегуваат во оние пациенти кои се ослободени од партиципација од 2019 година.Гаспар вели дека дека за ова, како Асоцијација, бараат решение подолго време и се надеваат дека и покрај гласањето против, и со документот од 2019 година дека лицата со цистична фиброза се ослободени од партиципација, конечно ќе се најде решение со што пациентите ќе се ослободат од овој финансиски товар.
Претходно денеска, од Асоцијацијата за цистична фиброза пред собранието ја поздравија оваа иницијатива за ослободување од партиципација за пациентите над 26 години, но се осврнаа на проблемот со обезбедувањето на лекот „трикафта“ за кој велат дека е заглавен во владините лавиринти.Александар Стамболиски кој има 26 години, вели дека трошоците околу терапијата за оваа болест, во просек месечно се околу седум илјади денари за пациент со цистична фиброза, но доколку има компликации, потребни се и повеќе финансиски средства.Повик за гласање на овие предлог законски измени упати и Жоржета Илиеска од Велес, родител на пациент со цистична фиброза, која рече дека 21 година со нејзиното дете се наоѓаат во голгота.
.gif)
.gif)
