Пратеникот Трајко Вељаноски на Фејсбук напиша дека е принципиелна одлуката да не му се одземе имунитетот.
„Собранието на Република Македонија не го одзеде имунитетот којшто го имам како пратеник. Тоа е принципиелна одлука. Стојам на располагање да се јавам на сите покани по предметот и да ги почитувам сите позитивни законски прописи“, напиша Вељаноски.
Тој е осомничен дека е еден од организаторите на настаните од 27 април 2017 година кога имаше упад во Собранието.
Синоќа не му е одземен имунитетот, а седницата спикерот Талат Џафери ја прекина околу полноќ, за што денеска има низа критики дека со спасил Вељаноски.