На новите пратеници кои имаат други функции, им престануваат и тие функции. Вкупно шест пратеници ќе ги прекинат своите функции во Владата, која сега ќе извршува само технички задачи се до изборот на новата влада.
Претседателката на Верификационата комисија, Дафина Стојановска, изјави дека Комисијата ги разгледала извештаите на Државната изборна комисија за изборите и дополнителните избори во изборните единици 5 и 6. Биљал Касами побарал да не му се верифицира мандатот, поради што вкупно се верификувани 118 пратеници.
Димитар Апасиев од „Левица“ забележа дека извештајот на ДИК не се совпаѓа со извештајот на Верификационата комисија. Тој го оспори барањето на Касами, велејќи дека Касами свесно потпишал дека ќе учествува во изборите и добил уверение од ДИК за пратеник, па не може да се откаже од нешто што го нема.
”Касами е избран за пратеник и по сила на законот сега треба да има избори за градоначалник на Тетово. На пратеник му истекува мандатот и може да му биде одземен само според Уставот. Пратеник може да поднесе оставка, но на собраниска седница. Собранието треба да му одземе мандат, а не Верификационата комисија како што направивте вие”, рече Апасиев.
Апасиев побара одговор зошто Верификационата комисија ја констатирала оставката на Касами, а не Собранието.Талат Џафери, кој моментално е премиер во техничката Влада, изјави дека не може да има две функции истовремено. Поради тоа, нема да учествува во работата на Собранието се до изборот на новата влада.
.gif)
.gif)
