Пишува: Саше Ивановски Политико
Сега мислам дека на сите ни е јасно зошто мафијашите 30 години успеваа да ни ја цицаат крвта и никој ништо да не им може?! Затоа што за нив работат не само судии и обвинители туку и многу нивинарски БАРДОВЕ, новинарски легенди кои менаџираат моќни медиуми и креираат јавно мислење!
Проблемот на олигарсите како Камчев е што сега нема само 3 телевизии и 3 весници како пред 10, 20 години, туку има над 100 медиуми што традиционални што нови, и не може сите да се купат или придобијат на многу чудни начини. Не се сите како Геровски, Миленко, Бурекот и директорите на Алфа ТВ па да го бранат човекот кој веќе еднаш избега од земјава во 2006-та кога имаше кривични за затајување данок, а сега сака пак да го стори истото под изговорот дека имал проблеми со срцето и не можел да седи во притвор…
Човекот кој со пријателството со Сашо Мијалков стана најбогат човек на балканот па од обичен трговец со патики стана газда на болници, банки, фарми, млекари, медиуми, ресторани, хотели итн итн… Вмешан во сите матни зделки на режимот, човек од доверва и човек од акција да им помогне на братучедите да го покрадат народот, за свој дел од колачот секако…
И малите деца знаат кој е Орце Камчев што беше овие 10 години и што е сега. Сите го паметиме МПМ и преземањето на најголемите весници и претворањето нивно во режимска приопаганда, па дури и уништувањето на чедото на Геро, Дневник, што се чини Геро лесно му ги прости на Камчев… Зборувајте со некој од оштетените и опљачканите од Орце Камчев, зборете со Кираца Трајковска како Орце и Сашо и ги украдоа акциите во Фершпед со измама, дел од обвинението во Империја. Што мислите колку ли градинки и училишта ќе се направеа со десетиците милиони евра украдени пари од неплатен данок, дел од обвинението на Империја?!?!
Да зборуваме ли за наменски употребената Бетон Штип која го градеше Скопје 2014-та и низ која поминаа стотици милиони евра за потоа да биде затворена наеднаш и избркани на улуца над 300 вработени?!?! За МПМ купена практично за ич пари од Германците за да служи како медиска режимска пропаганда за перење мозок на масите и спружање на насловна на непријателите на режимот?! За милиончето на Ивона која набавките за државните болници ги правела преку Камчев, нешто што слушнавме на снимките од бомбите на Заев?! И на крај обидидот да се уништи СЈО со цел да се спаси и мафијата и ВМРО ДПМНЕ од одговорност и да се сруши владата на Заев, за што Камчев требаше да биде награден од ВМРО ДПМНЕ со уште едно простување на сите негови криминали, ама планот не успеа и ВМРО ДПМНЕ не се врати на власт?!
Не знаеме зошто Геро толку се решил да и служи на мафијата, дали е поради мрсните банери од фирмите на Камчев кои толку убаво се накитени на неговиот портал Плусинфо, дали се работи и за некои други мрсни трансфери под маса како што Камчев се обиде да ги поткупи Катица и Боки, можно е и Геро да добил иста таква чанта Луј Витон можеби од помал габарит, а можеби и не се работи за поткуп воопшто, можеби се работи и за некакви други игри и интереси, можеби Геро го брани Камчев од чисто патолошки причини, можеби се пали на олигарси и големи криминалци, едноставно можеби има изместена вредносна вага во својата психа, за него херои и луѓе за респект и симпатии се луѓе како Камчев и Мијалков а луѓе за омраза и подбив се луѓе како Заев, Шеќеринска и Фатиме Фетаи тоа само тој го знае.
Но силниот тресок на дното на еден голем новинарски бард е толку шокантен толку разочарувачки, пред 10, 20 години, колумните на Геро беа како колумни на уредништвото во Њујорк Тајмс, сега се како смешни бедни пусулчиња како Дудинка и Буревесник.
(Текстот погоре е уреднички коментар на уредникот на Мактел Саше Ивановски Политико и не треба да се земе за објективна информација)
.gif)
.gif)
