Министерот за внатрешни работи на Република Македонија Оливер Спасовски денеска имаше средба со амбасадорката на Кралството Белгија за Република Македонија Аник Ван Калстер.
На средбата, соопшти МВР, министерот Спасовски ги презентираше најновите информации за состојбата со мигрантската криза и ја истакна потребата од меѓународна помош за Република Македонија во испраќање странски полициски службеници и опрема.
Спасовски, стои во соопштението, дал осврт на политичката состојба во земјава и важноста од спроведувањето на договорените одредби од Договорот од Пржино.