ЗА НОВИ ИНВЕСТИЦИИ ВО ПРЕНОСОТ НА ЕЛЕКТРИЧНА ЕНЕРГИЈА, МЕПСО БАРА ДВОЈНО ПОГОЛЕМ ПРИХОД ОД КРАЈНАТА ЦЕНА НА СТРУЈАТА

Директорот на АД МЕПСО, Куштрим Рамадани денеска истакна дека побарале скоро двојно зголемување на цената за преносот на струјата што го вршат.

“Побаравме зголемување на цената. Но кога ќе видиме дека уделот на МЕПСО во сметка платена од крајни клиенти е некаде околу 3,5%, односно во една сметка од 1000 денари, за МЕПСО плаќаат само 35 денари. Сите приходи од сметките во однос на преносот се инвестираат на вистинското место затоа што имаме далекуводи кои се од 50-тите и 60-тите години и треба да се модернизираат. Побаравме скоро двојно зголемување. Ако тие досега на сметка од 1000 денари плаќаат 35 денари, ние побаравме сега да платат по 60-70 денари” – рече Рамадани.