Премиерот Зоран Заев изјави дека имал комуникација со претседателот на Алтернатива, Африм Гаши и му понудил да се сретнат за да разговараат како Алтернатива да стане дел од владиното мнозинство и од Владата.
Гаши претходно рече дека нема ниедна понуда од Владата. Принципиелно е прво да дискутираат прво со ВМРО-ДПМНЕ и Алијанса за Албанците пред да одлучат за следните чекори.
“Ако имаме заеднички точки, ако се усогласуваме, мислам дека ќе продолжиме да бидеме конзистентни во тоа што сме биле досега како конструктивна опозиција. Но доколку не може да се договориме, дури тогаш може да видиме што се очекува од нас, кој е новиот контекст, во тој нов контекст каде може да се најде себеси Алтернатива и се разбира, ќе треба оваа работа да ја дискутираме во нашите партиски органи. Ние сме демократска партија со доста развиена демократија, ние не ги добиваме одлуките од еден човек или од некоја тесна група туку ја отвораме како дебата внатре, дискутираме долго, ги анализираме сите димензии и ја носиме таа одлука за која мислиме дека е во интерес на сите граѓани” – рече Гаши.
.gif)
.gif)
