“Данска од 10 септември ќе ги укине сите ограничувања воведени поради спречување на пандемијата на коронавирусот. Епидемијата е под контрола, имаме рекордно високо ниво на вакцинација” – изјави данскиот министер за здравство Магнус Хеунике.
Над 80% Данци постари од 12 години се целосно вакцинирани. Затоа данската влада повеќе нема да го класифицира ковид-19 како болест критична за општеството.
“Владата вети дека нема да ги поддржи овие мерки подолго отколку што е потребно и ние сме сега во таа ситуација. Но иако моментално изгледа се’ добро, ние се’ уште не сме излезени од епидемијата” – истакна министерот Хеунике.