Словенија забрани масовни дочеци на Нова година на отворено. Сепак им дозволи на угостителите да работат до раните утрински часови со задолжителни потврди за вакцинација и негативни тестови за сите гости.
Овие мерки ќе бидат во сила за време на божиќните и новогодишните празници.
И во црквите ќе можат да присуствуваат само вакцинирани лица, оние кои преживеале Ковид-19 или имаат негативен тест.
За време на божиќните и новогодишните празници, на 24, 25 и 31 декември, како и на 1 јануари, ќе биде дозволено да се соберат лица од најмногу 3 домаќинства, под услов претходно да се тестираат сите постари од 6 години.