“Испраќаме порака на стабилност, нови даноци нема да има. Можни се нови намалувања од последниот квартал на годинава. Мај ќе го завршиме со 200 милиони евра повеќе пари од Царина и од УЈП во споредба со првите пет месеци лани” – рече денеска премиерот Зоран Заев.
Според Заев кризен данок не ни треба. Државата е за правично оданочување, побогатите повеќе да плаќаат.
“Пораката е стабилни даноци, ништо нема да правиме изненадувачки што и да се случува во државата, сме го ветиле тоа пред граѓаните и коморите. Целта е државата да ги собира своите приходи преку борба со сивата економија и верувам дека ќе бидеме успешна приказна во позитивниот натпревар во регинот. Стабилноста на даноците е важна, ја потврдуваме и како левичари сме кажале, 2023-та ако успеат сите анализи, сме за правично оданочување” – истакна Заев, афирмирајќи го новиот Закон за данок на имот.
Планот е од последниот квартал од 2021 година да се оди со намалувања на персоналниот данок на доход во ИТ од десет на пет отсто, во последниот квартал од 2022-ра на 3% и во последниот квартал од 2023-та на 0%. Целта е да се поттикнат стартапите и иновативноста.