Слоганот е “Заедно. Издржлива. Европа” и ќе се разговара за зајакнување на отпорноста, закрепнувањето и стратешката автономија на ЕУ, за иднината на Европа, за зајакнувањето на европските вредности и владеењето на правото, како и развојот на трансатлантските односи и продолжување на процесот на проширување на ЕУ.
“Словенија го потенцира регионот (Западен Балкан) како еден од главните геостратешки приоритети на ЕУ, затоа мора да ги зајакне своите активности, присуство и фондови за развој на регионот. Еден од најголемите предизвици на нашето претседателство ќе биде да најдеме доволно политичка волја, и во ЕУ и во регионот, да се решат дури и најтешките прашања во регионот на конструктивен начин” – рече словенечкиот министер за надворешни работи, Анже Логар.