ПРЕТСЕДАТЕЛОТ ПЕНДАРОВСКИ ПОБАРА ПОБРЗО ДА СЕ ТРГНЕ БУГАРСКОТО ВЕТО: ПРОБЛЕМОТ СО БУГАРИЈА МОЖЕ ДА СЕ НАДМИНЕ ЗА ПОМАЛКУ ОД ШЕСТ МЕСЕЦИ

0
589

Претседателот Стево Пендаровски е согласен со бугарскиот предлог од новиот премиер Петков за историјата да не биде единствен предмет на разговори, но тоа да се направи за помалку од 6 шест месеци.

“Мене ми е прифатлив пристапот на новиот бугарски премиер кој заговара историјата да не биде единствениот канал преку кој ние, како две соседни држави, комуницираме. Да разговараме за инфраструктура, за енергетика, за економија, за трговска размена, за европски интеграции, за човекови слободи и права, но секако не да разговараме за тоа што се случило пред 3 или пред 5 века. Тоа е модерен пристап кој го поддржувам. Се разбира, не го поддржувам временскиот рок, кој беше најавен, од шест месеци. Мислам дека проблемот помеѓу нас може да се реши за многу покус временски период” – рече претседателот Пендаровски.