ПОЛЕСНО СЕ ВЛЕГУВА НА АМЕРИКАНСКАТА ЦРНА ЛИСТА ОТКОЛКУ ШТО СЕ ИЗЛЕГУВА: САЛИ БЕРИША НА СУД ВО ПАРИЗ БАРА ДА БИДЕ ТРГНАТ ОД ЛИСТАТА НА НЕПОЖЕЛНИ ЛИЦА ОД САД

By
Народен Глас
-
0
973

Албански експретседател, експремиер и екслидер на демократите, Сали Бериша на денешното партиско собрание јавно искажа свој став за одлуката на  Стејт департментот за неговото прогласување за персона нон грата.

“Стејт департментот во мај оваа година го прогласи Сали Бериша за персона нон грата, осум години по оставката од која било функција, човекот кој беше пофален повеќе од кој било друг од американската администрација за успешна борба против корупцијата. Својата битка да направам сѐ за моето достоинство ја започнав во судницата, со транспарентност. Чекам со месеци, нема ниту факти, ниту документи, ниту докази, што значи дека не постојат” – рече Бериша пред 4935 делегати учесници на партиското собранието што се одржа на стадионот “Ер Албанија”.
Од Стејт департментот побара да ги достави доказите против него во судот во Париз за да ја поткрепи одлуката, бидејќи во спротивно ќе продолжи да се бори против неправедната одлука.

“Оттука ги повикувам функционерите на Стејт департментот да го однесат во Париз секој документ, доказ што го имаат. Сето тоа да го стават пред јавност. Гарантирам дека секоја одлука ја носам сам. Благодарен сум на пријателите во Европа и САД за нивниот однос кон оваа одлука, но ги поканувам нив и секој на земјината топка кој има еден доказ, јавно да го презентира. Сали Бериша ја носи вистинската одлука, доколку имаат, а ви тврдам немаат докази, ќе останам понизен пред вистината, во спротивно ќе ја продолжам својата мисија. Како верник во Бога и човечкото достоинство, мојата битка за враќање на моето достоинство никогаш нема да престане” – рече Бериша.

Бериша ја критикуваше и американската амбасадорка во Тирана, Јури Ким за која рече дека се однесува како гувернерка, идентично како поранешните руски амбасадори во Тирана.