“Големите партии прават концепт да го искористат потенцијалот на малите партии, а по изборите ги маргинализираат” – рече пратеникот и лидер на Демократскиот сојуз, Павле Трајанов во емисијата “Утрински брифинг”.
“Ниедна голема партија, кога ќе освои мнозинство е комотна, не го спроведува она што го ветила. Во јавноста е познато дека големите партии прават коалиции со помалите, но кога ќе се етаблира власта, помалите никој не ги прашува за ништо” – смета Трајанов.
“Ако сте биле на избори со една партија во коалиција, не е принципиелно да се напушти таа коалиција и да се премине на другата страна” – коментираше тој алудирајќи на предизборната коалиција на СДСМ со Беса и потоа излегувањето на Беса од Владата.
“Така можеше легитимно да се урне владата на Заев, а не како Беса која неправедно имаше 4 пратеника и го направи тоа што го направи. Ние пак, мислиме и на државата и затоа не се приклучивме на таа иницијатива” – рече Трајанов.
Исто така тој застапува став дека треба да се елиминираат системските предности што ги имаат големите партии за времето за рекламирање и државното финансирање на партиите.
.gif)
.gif)
