Докторот Борче Јовчески ќе биде кандидат за градоначалник на Прилеп од редовите на ВМРО-ДПМНЕ. Неговата кандидатура беше најавена на партиска трибина во Прилеп, на која присуствуваше и генералниот секретар, Ѓорѓија Сајкоски. Останува уште да биде официјализирана и на седница на Централниот комитет на ВМРО-ДПМНЕ.
Јовчески е актуелен советник во Советот на Општина Прилеп, а по професија е специјалист по ортопедија.
Ова е втор познат кандидат за градоначалник кој што го објави ВМРО-ДПМНЕ. Од партијата соопштија и дека на локалните избори во Охрид ќе излезат со актуелниот пратеник, Кирил Пецаков.