Францускиот претседател Емануел Макрон ја повика ЕУ да инвестира во Западен Балкан поради вклучување на регионалните сили кои сакаат да ја дестабилизираат.
“Денес има нови тензии во тој регион. Историјата таму се повторува, а понекогаш е и трагично” – рече претседателот Макрон.
Тој најави европска конференција во јуни следната година за време на француското претседателство со ЕУ.
“Денес имаме посебна одговорност кон Западен Балкан. Мораме да водиме политика на повторно застапување и инвестиции за да ја зајакнеме економската интеграција во регионот и да се бориме против вмешаноста и манипулацијата на некои регионални сили кои сакаат да ја дестабилизираат Европа преку Балканот” – рече Макрон.
“Мислам дека оваа политичка и економска работа на Западен Балкан е вистинско прашање на суверенитет за нашата Европа бидејќи Европа нема да може да постигне мир во следните 50 години ако го оставиме Западен Балкан во сегашната ситуација” – смета Макрон.