МАТЕРИЈАЛНАТА ШТЕТА ЌЕ СЕ НАДОМЕСТИ, ЗАЕВ: ЛОКАЛИЗИРАНИ СЕ ПОЖАРИТЕ ВО КОЧАНИ, ВО ТЕК Е ГАСНЕЊЕТО НА ПОЖАРИТЕ ВО СТАРО НАГОРИЧАНЕ

0
1114
“Пожарите кои ја зафатија земјата донесоа тешка илинденска ноќ, но благодарение на професионалноста и солидарноста на пожарникарите и граѓаните и натаму немаме повредени или загрозени лица.
Материјалната штета е нешто што со заеднички сили ќе го надоместиме, сега најголемата грижа на сите мора да ни биде безбедноста.
Сите сили и капацитети на системот се ангажирани под прецизна команда на Центарот за управување со кризи.
Утрово два хеликоптери интензивно учествуваат во гасењето, а секој момент очекуваме да се приклучат уште четири, како помош од Република Србија. Во интензивна комуникација сме и со нашите НАТО сојузници од регионот кои се будни и подготвени да ни испорачаат помош согласно условите на теренот.
Во моментов се активни 13 пожари, повеќето се локализирани, кочанско е под контрола, а поинтензивна борба со огнот се води околу Старо Нагоричане, каде се насочени сериозни капацитети во гасењето.
Не одете во шумите, бидете внимателни и одговорни, заедно ќе ги надминеме овие пеколни предизвици.”
-ФБ СТАТУС НА ПРЕМИЕРОТ ЗОРАН ЗАЕВ