“Честит 1 мај – Меѓународниот ден на трудот!
Токму работниците и нивниот труд се двигател на секоја економија, двигател на општествениот развој.
Во годините во кои ја предводиме Владата, како одговорна социјалдемократска партија презедовме низа чекори за унапредување на статусот на работниците и нивниот животен стандард
Ја зголемивме минималната плата од 9000 на 15200 денари и ја израмнивме за сите стопански гранки за вработените во текстилната, кожарската и чевларската индустрија, повеќе да не бидат дискриминирани во однос на останатите дејности.
Преку економските мерки во време на пандемија успеавме да сочуваме повеќе од 100.000 работни места, а преку субвенционирањето на придонесите на фирмите, за зголемувањето на платите на работниците, 200.000 работници добија поголеми плати.
Платите растат во сите сектори, а истовремено го подигнавме нивото на социјалниот дијалог со синдикатите, работниците и стопанствениците.
Социјалната правда и унапредувањето на работничките права за нас остануваат врвен приоритет.”
-ФБ СТАТУС НА ВИЦЕПРЕМИЕРОТ ЗА БОРБА ПРОТИВ КОРУПЦИЈАТА, ЉУПЧО НИКОЛОВСКИ