ИМУНИЗАЦИЈАТА ЌЕ СЕ ЗАБРЗА УШТЕ ПОВЕЌЕ, ФИЛИПЧЕ: ЗА ОКОЛУ ЕДНА НЕДЕЛА ДОАЃААТ 500 ИЛЈАДИ ВАКЦИНИ СИНОВАК

0
326

“Стигна информација од претставниците на Синовак дека може да ја очекуваме пратката со 500 илјади нивни вакцини да стигне во следните седум дена во нашата земја. Оставам резерва, гледаме со што се соочуваме, меѓутоа верувам дека ова ќе се оствари” – истакна денеска министерот за здравство Венко Филипче.

“Уште една добра информација е дека тоа што е одделено како количина за нашата земја се наоѓа во претходно пакувани шприцеви така како што беше првата количина на вакцината Синофарм, а тоа го олеснува начинот на давање” – посочи министерот Филипче.

Тој рече дека ги уфрлиле во системот и 10-те илјади вакцини на Фајзер кои стигнаа во понеделникот, меѓутоа очекуваат значајно забрзување на процесот на вакцинација кога ќе стигнат и вакцините од Синовак. 

Во врска со вакцините Спутник В, Филипче посочи дека според кажувањата на амбасадорот на Русија може да се очекува нивно доцнење.

“Практично сме во секојдневна комуникација, ни дава информации што и како може да се очекува, меѓутоа мислам дека е прилично искрен во тој дел. Со лични контакти и заложби направи многу кратко време да чекаме од нарачката да стигне првата количина која веќе стигна во земјава. Беше малку меѓутоа стигна и ние тој процес тогаш го продолживме со здравствените работници” – рече Филипче.