Проектот на поранешниот градоначалник на Скопје, Петре Шилегов стана жежок костен за новата градоначалничка Данела Арсовска затоа што таа се дистанцира од досегашните проекти во тек. Европската банка за обнова и развој (ЕБРД) реши да даде демант против паушалните тези на Арсовска.
ЕБРД рече дека детално се проверуваат сите проекти за кои се бараат кредити од нив пред да се одобрат. Така е и со автобуското метро (Бас рапид транзит – БРТ).
“Објавуваме извонредно детални информации за сите проекти на нашата веб-страница. Сите наши проекти се предмет на многу детална проверка пред да бидат одобрени и горди сме на високите стандарди според кои се раководиме, и истото го очекуваме од нашите партнери и клиенти. Постојат голем број чекори на заштита и проверка, кои што ги применуваме да обезбедиме услови за нашите проекти да ги задоволат овие стандарди” – рече ЕБРД.
Градоначалничката Данела Арсовска прво рече дека можеби ќе има референдум за проектот и за него одлуката да ја донесат скопјани, а потоа рече дека ќе го стопира бидејќи е на штета на граѓаните наводно поради штети по зеленилото и водоснабдувањето на градот.
Арсовска тогаш обвини дека ЕБРД е како и секоја една банка, бидејќи не навлегува во техничките позиции на проектот.
.gif)
.gif)
