ВМРО-ДПМНЕ И ЛЕВИЦА ГИ БЛОКИРААТ СО ИЛЈАДНИЦИ НЕБУЛОЗНИ АМАНДМАНИ ПРЕПОРАКИТЕ ОД ОБСЕ/ОДИХР ЗА ОТВОРЕНИТЕ ЛИСТИ, СДСМ: СЕКОИ ИЗБОРИ ШТО НИЕ ГИ ОРГАНИЗИРАМЕ, ДОБИВААТ ВИСОКИ ОЦЕНКИ ОД МЕЃУНАРОДНИТЕ НАБЉУДУВАЧИ

0
329

Соопштение за јавност-реакција на прес-конференцијата на Александар Николовски од ВМРО-ДПМНЕ

Главното политичко барање на ВМРО-ДПМНЕ во однос на Изборниот законик беше воведување на фингер принтови при чинот на гласање и тоа сега се спроведува.

Таа измена на Изборниот законик ја направивме уште во април оваа година.

Факт е дека за разлика од ВМРО-ДПМНЕ, СДСМ досега нема ниту едни лошо организирани избори, а тоа е најголема гаранција дека такви ќе бидат и локалните и сите наредни.

Изборите организирани во време кога СДСМ е на власт, добиваат највисоки оценки од сите меѓународни фактори и тоа не може никој да го демантира.

Препораките на ОБСЕ и ОДИХР се блокирани во Собранието. Праксата која ја воспостави прва ВМРО-ДПМНЕ со илјадници небулозни амандмани да се блокира работата на законодавниот дом, сега ја презема и Левица и тие ги блокираа и овие измени.

СДСМ јасно останува на ставот дека е за отворени листи, дека е за препораките на ОБСЕ и ОДИХР, дека е за еднаква родова застапеност и се’ она што значи модернизација на изборниот процес.

СДСМ инсистира дијалогот за изборната реформа да продолжи и покрај блокадите во Собранието.

Очигледно е дека ВМРО-ДПМНЕ преку вакви прес-конференции бара алиби за поразот што ги очекува на локалните избори затоа што и самите знаат дека немаат никаква поддршка од страна на граѓаните кои одамна го прочитаа нивниот несериозен и неодговорен однос.