Д-Р ДОКИЌ: ЌЕ ЈА ПОЧНЕМЕ ВАКЦИНАЦИЈАТА СО ДОВОЛНО ИСКУСТВО И ПОГОЛЕМА ПРЕТПАЗЛИВОСТ ПОТОА

0
206

“Ако почнете со еден процес, не може да го сопрете. Тоа е несериозно кон луѓето. Ние го немавме тој проблем. Навидум е задоцнето, но со многу поголемо туѓо искуство во однос на начинот на одвивање на вакцинација, несаканите ефекти, имунитетот што се создава. Во Србија има огромен број на новозаразени, затоа што на луѓето во перцепцијата е дека ако се вакцинираат, може да прават што сакаат. Сето тоа ние ќе го избегнеме.” – рече Докиќ во гостување на дебата со министерот Филипче.

Тој посочи дека безбедноста на вакцините е ригорозна контролирана од ЕУ. Но тоа не е случај со руската и кинеската кои поради недоволната испитаност, нема соодветни резултати за нивната ефикасност.

“Сите вакцини мора во ЕУ да добијат одобрение за производство кај ЕМА, која има инструменти за клинички испитувања за тоа кои се несаканите ефекти или последици. За Астра Зенека се правеа испитувања во Велика Британија и во Бразил. Процедурата беше по примањето на вакцина, испитаниците беа подложни на секојдневни ПЦР тестирања. Но во Велика Британија беше изменет протоколот.Како што реков сите вакцини регистрирани во ЕМА се ригорозно проверувани, меѓутоа не можеме да кажеме дека таква ригорозна мерка имаме кај руската и кинеската вакцина, бидејќи немаме доказ за тоа колкава е нивната ефикасност и тоа е проблемот што се’ уште не се регистрирани во ЕМА.” – истакна Докиќ.