ДАНЕЛА АРСОВСКА ГО САБОТИРА РАЗВОЈОТ НА СКОПЈЕ: НЕМА НАМЕРА ДА ЈА ЗАВРШИ ЕКСПРОПРИЈАЦИЈАТА И ЌЕ ЈА ЗАПРЕ ИЗГРАДБАТА НА МОСТОТ ВО АЕРОДРОМ НА КРАЈОТ НА БУЛЕВАРОТ АСНОМ

0
1027

Мостот во скопски Аеродром на крајот од булеварот “АСНОМ” што требаше да поврзува три општини Аеродром, Гази Баба и Центар и беше проект на Шилегов, ќе биде запрен затоа што градоначалничката Данела Арсовска нема намера да ја заврши експропријацијата.

“Има 11 спорови. 25 предмети се во подготовка, а има и 44 барања за приватизација, од кои 16 се со кориснички права” – рече Данела Арсовска.

Таа призна дека за него има проект каде што ќе треба да поминува новиот булевар и да се излегува кај стариот скопски саем.

Новиот премин преку Вардар е долг околу 400 метри, а самиот мост е долг 150 метри. Има шест коловозни ленти, велосипедски и пешачки патеки од двете страни.

Беше планирано преку него, граѓаните од Ново Лисиче до Судската палата со автомобил да стигнуваат за 5 минути, со автобус за 10 минути, со велосипед за 18 минути, а со пешачење за 35 минути. По мостот се планираше да сообраќаат и нови автобуски линии за да се намали сообраќајниот метеж.