Српската премиерка, Ана Брнабиќ изјави дека со премиерот на Косово, Албин Курти нема разговори и договори и нема да има ниту заеднички договор.
Брнабиќ рече дека состанокот во Тирана пред неколку дена бил многу бурен и тежок и дека тоа бил подготвителен состанок за 15-ти јуни во Брисел, на кој ќе присуствува српскиот претседател Александар Вучиќ. Иако Курти ја обвинува Србија за геноцид, Брнабиќ смета дека тој е идеолошки фанатик со нула прагматизам.
“Тој секој ден и’ се заканува на Србија со тужби за геноцид. Нека покрене тужба и потоа нека каже што сака, нека докаже што има, но да не се заканува, особено не на регионални состаноци, затоа што тогаш прави циркуз од нив” – изјави таа.
Српската премиерка оцени дека работите се тешки и ќе бидат се’ потешки.
“Фактот што сега имаме политички елити во Приштина, луѓе кои не сакаат да зборуваат, е катастрофа за целиот регион и ќе биде исклучително тешко за претседателот Вучиќ на 15-ти јуни” – оцени премиерката Брнабиќ.
.gif)
.gif)
