Градоначалникот на Кавадарци Митко Јанчев смета дека попис мора да се спроведе пред летото, бидејќи, според него, во лето тешко се изведува, а на есен има локални избори.
-Дека попис ни е неопходен, тоа е повеќе од јасно. Замислете 20 години немаме попис, тоа е катастрофа. Ако доаѓате од бизнис – секторот, имате попис секоја година или месец, а замислете држава да не си го попише сопственото население. Тоа се неколку генерации – рече Јанчев на ТВ 21.
Според него, пандемијата не треба да биде пречка за спроведување на пописот, бидејќи, како што вели, таа ќе трае подолго.
-Ако чекаме да помине пандемијата, па ќе дојдат изборите, па ќе дојдат други избори, и никогаш нема да направиме попис. А покрај населението, ќе попишеме и многу други делови во општините кои не сме ги занеле до сега: од семејства, од образование, од енергетика од многу работи кои се предуслови за развој на една држава – истакна Јанчев.
.gif)
.gif)
