На синоќешниот изборен митинг во Скопје, актуелниот градоначалник Петре Шилегов посочи дека во следниот мандат продолжува посветено да работи на инфраструктурата во Скопје која повеќе од 40 години била запоставена.
„Во следните 4 години ќе го заокружиме целосно процесот на решавање на сообраќајниот хаос во градот на почетокот на овој мандат. Во првиот мандат започнавме храбро а во следниот ќе завршиме и ќе ги решиме целосно проблемите со инфраструктурата, Скопје ќе биде град без инфраструктурни проблеми“, порача Шилегов.
„Го пробиваме булевар Македонија, некогашниот Јужен Булевар и градиме ултра модерна подземна сообраќајница која завршува со модерен кружен тек кај Нова Македонија. Целосно ќе биде завршен и булеварот Словенија кој ќе води до Волково и Ново Село, а ќе биде поврзан и со мостот на Љубљанска. Во Центарот на градот ја градиме и најголемата пешачка зона во Европа која ќе се протега од Собрание до Палома Бјанка и од Стара Железничка до Бит пазар“ – рече Шилегов истакнувајќи ги најголемите проекти од програмата.
.gif)
.gif)
