ЦЕЛ СВЕТ СЕ ГОРДЕЕ СО ЗАЕВ И ДИМИТРОВ – Стејт департмент: САД се горди што Македонија се приклучи на европско-американската акција против Русија

0
1476

Американскиот Стеjт департмент во изјава за МИА денеска укажа дека САД се горди што Македонија се приклучи на заедничката американско-европска акција против Русија за неодговорното однесување.

Македонија завчера протера еден руски разузнавач и стана дел од акцијата на САД, Канада и дваесет други европски земји во која беа протерани вкупно 139 руски дипломати и разузнавачи од тие земји како одговор на нападот со отровен нервен агенс во Солсбери, Велика Британија.

„Јасно демонстриравме дека сме солидарни со Велика Британија и испративме јасна порака дека со своето неодговорно однесување Русија плаќа висока цена. Продолжуваме да се координираме со партнерите и сојузниците, а оние кои сѐ уште не го сториле тоа ги охрабруваме да преземат мерки за испраќање на слична порака до Русија“, се вели во изјавата.

На прашање на дописникот на МИА од Вашингтон дали сојузниците како САД, Германија, Франција или Велика Британија и гарантираат на Македонија одбрана од секоја можна идна уцена или закана од страна на Русија во однос на членството на Македонја во НАТО, официјално лице од Стејт департментот посочи дека САД нема да шпекулираат во однос на идните акции на соујзниците.

– Уште еднаш нагласувам, демонстриравме дека Русија плаќа висока цена за своето неодговорно однесување насекаде низ светот – изјавија од Стејт департментот.