ЦЕЛОСНО ЗАМЕНЕТ НОВ АЗБЕСТЕН КРОВ НА УЛИЦА НИКОЛА КИРОВ МАЈСКИ ВО ХИПОДРОМ ОПШТИНА ГАЗИ БАБА

0
1506

Стариот азбестен кров на зградата на ул. “Никола Киров Мајски” 41 во населба Хиподром е целосно заменет со нов. Направив увид по завршувањето на градежните активности, а жителите од оваа зграда кои ги сретнав посочија дека се среќни што конечно дотраениот кров е заменет со нови материјали кои се безбедни за човечката средина.

Ова е само една колективна зграда каде со помош на финансиска поддршка за реконструкција на кровови и на лифтови на општина Гази Баба, успеавме да поставиме нов кров. Во исто време, во зграда на улица Бапчор 8, целосно е реконструиран и лифт.

Во наредниот период ќе бидат сменети кровови и на згради на улиците “Душан Тасковиќ 49”, на “Благоја Стефковски 111”, на “Трифун Хаџи Јанев 12”, на “Антон Попов 6” и на улицата “Јани Лукровски 8” за што се одвоени 800.000 денари, а за реконструкција на лифт се обезбедени 500.000 денари.

Замената на старите азбестни кровови е првиот чекор по кој ќе следува поставување на енергетски ефикасни фасади на станбените згради. Со овие мерки создаваме услови за чиста животна средина за жителите на општина Гази Баба.