СЈО упатило две барања, едно до министерството за транспорт и врски или поточно, до Агенцијата за цивилно воздухопловство како и до Централниот регистар преку кои треба да се утврди и дали Милошоски бил сопственик или управител на фирма во период од 2008 до 2015 година.
Милошоски преку фејсбук статус обвини дека СЈО продолжува со притисок врз неистомислениците. Тој посочува дека пратник на СДСМ го предупредил дека многу зборува. Милошоски тврди дека нема авиони и фирми кои Јанева ги бара.
Дополнително скандалозно е што Милошоски на својот фејсбук профил објави документи кои се дел од предистражна постапка и се упатени до две институции.
Барањата се поднесени на 31 март, а рокот за одговор е краток и е само 5 дена.
СЈО продолжува со нарачаниот притисок врз неистомисленици на Аболицираниот. После моите настапи на Топ Тема контра Оливер С. и во Собранието против Заев,
– прво стигна предупредување од пратеник од СДСМ дека многу зборам,
– а сега и истрага од Катица Јанева, која ги бара моите авиони и фирми кои ги немам!
Само продолжете, нема да не’ замолчите!