Студентите во организација на Студентскиот пленум се собраа на платото пред УКИМ и прогласија автономна зона и универзитет под студентска контрола.
Тие ги објаснија причините за ваквиот чекор. Како што кажаа, имаат основ да веруваат дека средбата ветувањето на премиерот за одложување на законот е поради актуелните политички случувања во земјата.
Тие ги објаснија причините за ваквиот чекор. Како што кажаа, имаат основ да веруваат дека средбата ветувањето на премиерот за одложување на законот е поради актуелните политички случувања во земјата.
Студентскиот пленум бара да се потпише спогодба помеѓу Интеруниверзитетската конференција и Министерството за образование која ќе опфаќа загарантирано учество на Студентскиот пленум во изработката на нов Закон за високо образование за тој да ги рефлектира студентските ставови и перспективи.
Студентите бараат формирање научни групи во кои Студентскиот пленум, Професорскиот пленум и претставници од министерствата ќе бидат рамноправно застапени.
– Универзитетот треба да претставува бастион на критичката мисла која води кон напредок, место каде не те учат што да размислуваш туку како! Затоа сметаме дека е нужно да се прогласи автономна зона за симболично ослободување на универзитетот. Прогласуваме автономна студентска зона и универзитет под студентска контрола! Овој пат дефинитивно ја прекардашија и нема да им помине – рекоа студентите.
Ги повикаа сите граѓани на солидарност, за враќање на изгубеното достоинство.
Дадоа и насоки за однесување во автономната зона, а како најважно, истакнаа дека во неа не смее да има партиски и национални, туку само студентски симболи.
.gif)
.gif)
